ന്യൂഡൽഹി: പുരി ജഗന്നാഥ ക്ഷേത്രത്തിലെ രഥയാത്ര നിയന്ത്രണങ്ങളോടെ നടത്താൻ സുപ്രീം കോടതിയുടെ അനുമതി. ആരോഗ്യകാര്യങ്ങളിൽ വിട്ടുവീഴ്ച ചെയ്യാതെ കേന്ദ്ര-സംസ്ഥാന സര്ക്കാർ, ക്ഷേത്ര കമ്മിറ്റി എന്നിവരുടെ സഹകരണത്തോടെ രഥയാത്ര നടത്താമെന്നാണ് സുപ്രീം കോടതി അറിയിച്ചത്.
പുരി ജഗന്നാഥ ക്ഷേത്രത്തിലെ രഥയാത്രയ്ക്ക് മാത്രമാണ് അനുമതിയെന്നും മറ്റ് രഥയാത്രകള് പാടില്ലെന്നും കോടതി വ്യക്തമാക്കി. സ്ഥിതിഗതികൾ നിയന്ത്രണ വിധേയമല്ലാതായാൽ ഒഡിഷ സർക്കാരിന് വേണമെങ്കിൽ യാത്രയും ഉത്സവവും നിർത്തിവയ്ക്കാമെന്നും സുപ്രീം കോടതി വ്യക്തമാക്കി.