തിരുവനന്തപുരം: ജില്ലാ ജഡ്ജിമാരെ അടക്കം മറികടന്ന് യോഗ്യതാ മാനദണ്ഡങ്ങളിൽ ഇളവ് വരുത്തി ബാലവകാശ കമ്മീഷൻ ചെയർമാനെ നിയമിച്ചു. സിപിഎം നോമിനി കെ.വി. മനോജ് കുമാറിനെ നിയമിക്കാൻ ഇന്ന് ചേർന്ന മന്ത്രിസഭാ യോഗം തീരുമാനിക്കുകയായിരുന്നു. നിയമനം സംബന്ധിച്ച ആക്ഷേപങ്ങൾ മന്ത്രിസഭ തള്ളിയിരുന്നു.
സിപിഎം നോമിനിയെ നിയമിക്കാൻ യോഗ്യതാ മാനദണ്ഡങ്ങളിലും സർക്കാർ മാറ്റം വരുത്തി. അംഗങ്ങളുടെ നിയമനത്തിന് വേണ്ട മിനിമം യോഗ്യത പോലും കമ്മീഷൻ തലവന് സർക്കാർ നിർദ്ദേശിച്ചില്ല.