ന്യൂഡൽഹി: കോണ്സുലേറ്റിന്റെ ഡിപ്ലോമാറ്റിക് ബാഗേജിൽ സ്വർണം കടത്തിയ സംഭവത്തിൽ യുഎഇ എംബസി അന്വേഷണം പ്രഖ്യാപിച്ചു. തിരുവനന്തപുരത്തെ യുഎഇ കോണ്സുലേറ്റിലേക്ക് ആരാണു കാർഗോ അയച്ചതെന്നു കണ്ടെത്തുന്നതിനു വേണ്ടിയാണ് അന്വേഷണമെന്ന് ന്യൂഡൽഹിയിലെ കാര്യാലയം പുറത്തിറക്കിയ പത്രക്കുറിപ്പിൽ പറയുന്നു.
സംഭവത്തിനു പിന്നിൽ പ്രവർത്തിച്ചവർ ഗുരുതരമായ കുറ്റകൃത്യം ചെയ്യുക മാത്രമല്ല, യുഎഇയുടെ ഇന്ത്യയിലെ പ്രതിച്ഛായ മോശമാക്കിയെന്നും ചൊവ്വാഴ്ച പുറത്തിറക്കിയ പത്രക്കുറിപ്പിൽ കാര്യാലയം ചൂണ്ടിക്കാട്ടി. ഇന്ത്യയിലെ അന്വേഷണങ്ങളുമായി സഹകരിക്കുമെന്നും സ്ഥാനപതി കാര്യാലയം വ്യക്തമാക്കി