തിരുവനന്തപുരം: ഓണനാളുകളിലെ പൂജകൾക്കായി ശബരിമല ശ്രീധർമശാസ്താ ക്ഷേത്ര നട ശനിയാഴ്ച വൈകുന്നേരം അഞ്ചിന് തുറക്കും. ഭക്തർക്ക് പ്രവേശനമില്ല. ക്ഷേത്ര തന്ത്രി കണ്ഠരര് രാജീവരരുടെ മുഖ്യകാർമികത്വത്തിൽ ക്ഷേത്ര മേൽശാന്തി എ.കെ.സുധീർ നന്പൂതിരി ക്ഷേത്രനട തുറന്ന് ദീപങ്ങൾ തെളിക്കും.
30 ന് ഉത്രാടപൂജ. 31 ന് തിരുവോണ പൂജ, സെപ്റ്റംബർ ഒന്നിന് അവിട്ടം, സെപ്റ്റംബർ മൂന്നിന് ചതയം ദിവസങ്ങളിൽ പൂജകൾ നടക്കും. അന്ന് രാത്രി 7.30-ന് ഹരിവരാസനം പാടി നട അടയ്ക്കും. കന്നിമാസപൂജകൾക്കായി സെപ്തംബർ 16-ന് വൈകുന്നേരം നട തുറക്കും.
