കൊച്ചി:ഡല്‍ഹി മുഖ്യമന്ത്രിയും ആം ആദ്മി പാര്‍ട്ടി നേതാവുമായ അരവിന്ദ് കെജ്‌രിവാൾ കൊച്ചിയിലെത്തി. കേരളത്തിലെ രാഷ്ട്രീയ സാധ്യതകൾ തേടിയാണ് കെജ്രിവാളിന്റെ സന്ദര്‍ശനം. ഞായറാഴ്ച രാവിലെ സംസ്ഥാനത്തെ പാർട്ടി നേതാക്കളുടെ യോഗം നടക്കും. തുടർന്ന് മെമ്പർഷിപ്പ് കാമ്പയിൻ കേജരിവാൾ ഉദ്ഘാടനം ചെയ്യും.
വൈകിട്ട് കിഴക്കമ്പലത്ത് ട്വന്റി- ട്വന്റിയും ആം ആദ്മി പാര്‍ട്ടിയും സംയുക്തമായി നടത്തുന്ന പൊതുസമ്മേളനത്തില്‍ കെജ്‌രിവാള്‍ പങ്കെടുക്കും. നിയമസഭാ തെരഞ്ഞെടുപ്പ് ലക്ഷ്യമിട്ട് കേരളത്തിൽ നാലാം മുന്നണി രൂപീകരിക്കാനും, ഭരണം പിടിക്കാനുമാണ് ആം ആദ്മി പാര്‍ട്ടി ലക്ഷ്യമിടുന്നത്.ട്വന്റി- ട്വന്റി ആരെ പിന്തുണക്കണമെന്നത് നിര്‍ണായകമാണ്. അതുകൊണ്ട് തന്നെ, അരവിന്ദ് കെജ്രിവാളിന്റെ സന്ദർശനത്തെ ഇരു മുന്നണികളും ഉറ്റുനോക്കുകയാണ്.
