ന്യൂഡൽഹി: ശബരി റെയിൽ പദ്ധതി വൈകുന്നതിനു സംസ്ഥാന സർക്കാരാണ് ഉത്തരവാദിയെന്ന് റെയിൽവേ മന്ത്രി അശ്വിനി വൈഷ്ണവ്. ഭൂമി ഏറ്റെടുക്കുന്നതിലും വാഗ്ദാനം ചെയ്ത അമ്പത് ശതമാനം ഓഹരി പങ്കാളിത്തം ഉറപ്പു വരുത്തുന്നതിലും കേരള സർക്കാർ കാണിച്ച അലംഭാവമാണ് ശബരി പദ്ധതി വൈകാൻ കാരണമെന്നും അദ്ദേഹം പറഞ്ഞു.
രാജ്യസഭയിൽ കോണ്ഗ്രസ് എംപി ജെബി മേത്തറുടെ ചോദ്യത്തിന് നൽകിയ മറുപടിയിലാണ് അദ്ദേഹം ഇക്കാര്യം വ്യക്തമാക്കിയത്. 116 കിലോമീറ്റര് ദൈര്ഘ്യമുള്ള പദ്ധതിക്ക് 1997-98 സാമ്പത്തിക വര്ഷത്തിലാണ് റെയിൽവേ അനുമതി നൽകിയത്.
സ്ഥലം ഏറ്റെടുക്കുന്നത് സംബന്ധിച്ച തർക്കവും, കോടതിക്കേസുകളും, സംസ്ഥാന സർക്കാരിന്റെ ഉദാസീനതയുമാണ് പദ്ധതി ഇത്രയും നീണ്ടുപോകാൻ കാരണമെന്നും കേന്ദ്രമന്ത്രി അറിയിച്ചു.