കാസര്ഗോഡ്: ജാതീയമായി അധിക്ഷേപിച്ചെന്ന കേസില് സാഹിത്യകാരന് സന്തോഷ് ഏച്ചിക്കാനത്തെ അറസ്റ്റ് ചെയ്തു. സന്തോഷ് ഏച്ചിക്കാനം ദളിത് വിരുദ്ധ പരാമര്ശം നടത്തിയെന്ന് ആരോപിച്ച് ലഭിച്ച പരാതിയിലാണ് കേസെടുത്തത്. കേസില് മുന്കൂര് ജാമ്യം തേടി സന്തോഷ് ഏച്ചിക്കാനം നേരത്തെ ഹൈക്കോടതിയെ സമീപിച്ചിരുന്നു. പൊലീസിന് മുന്നില് കീഴടങ്ങാനായിരുന്നു ഹൈക്കോടതി നിര്ദേശം.
കാസര്ഗോഡ് സ്വദേശി ബാലകൃഷ്ണനാണ് പരാതി നല്കിയത്. ഫെബ്രുവരി 9ന് കോഴിക്കോട് ഒരു സാഹിത്യോത്സവത്തില് നടത്തിയ പ്രസംഗത്തിലെ പരാമര്ശത്തിലാണ് ഏച്ചിക്കാനത്തിനെതിരെ പൊലീസിനെ സമീപിച്ചത്. ഏച്ചിക്കാനത്തെ കാസര്ഗോഡ് ജില്ലാ സെഷന്സ് കോടതിയില് ഹാജരാക്കും.