ശബരിമലയിൽ ഇത്തവണത്തെ ഉത്സവത്തിന് ആചാരപരമായ ചടങ്ങുകൾ മാത്രം നടത്തിയാൽ മതിയെന്നും തീർഥാടകരെ പ്രവേശിപ്പിക്കേണ്ടതില്ലെന്നും സർക്കാർ നിർദേശിച്ചു. ഈ മാസം 29നാണ് ശബരിമലയിൽ ഉത്സവം ആരംഭിക്കുന്നത്. ഇതിന്‍റെ ഭാഗമായി 28ന് ശബരിമല നടതുറക്കും. ഏപ്രിൽ എട്ടിന് പമ്പയിൽ നടക്കുന്ന ആറാട്ടിനും തീർഥാടകരെ പ്രവേശിപ്പിക്കില്ല.
ഗുരുവായൂർ ക്ഷേത്രത്തിൽ നാളെ മുതലാണ് ഭക്തർക്ക് വിലക്കേർപ്പെടുത്തിയത്. ചോറൂണ്, വിവാഹം, ഉദയാസ്തമന പൂജ എന്നിവ ഉണ്ടാകില്ല. ക്ഷേത്രത്തിൽ പതിവു പൂജകളും മറ്റു ചടങ്ങുകളും മാത്രമാകും നടക്കുകയെന്ന് ഗുരുവായൂർ ദേവസ്വം മാനേജിംഗ് കമ്മിറ്റി അറിയിച്ചു.
