മുംബൈ: മഹാരാഷ്ട്രയിൽ സർക്കാർ രാത്രി കർഫ്യു പ്രഖ്യാപിച്ചു. ചൊവ്വാഴ്ച മുതൽ ജനുവരി അഞ്ച് വരെയാണ് കർഫ്യൂ. കോവിഡ് വ്യാപനം കൂടുന്ന സാഹചര്യത്തിൽ അടുത്ത ഘട്ട പ്രതിരോധത്തിന്‍റെ ഭാഗമായാണ് നടപടി.
ഇതിനുപുറമേ യൂറോപ്പിൽനിന്നും ഗൾഫ് രാജ്യങ്ങളിൽനിന്നും വരുന്നവർക്ക് 14 ദിവസം ഇൻസ്റ്റിറ്റ്യൂഷണൽ ക്വാറന്‍റൈൻ നിർബന്ധമാക്കിയിട്ടുണ്ട്. മറ്റ് രാജ്യങ്ങളിൽ നിന്ന് വരുന്നവർക്ക് ഹോം ക്വാറന്‍റൈനും വേണമെന്ന് സംസ്ഥാന സർക്കാർ കർശന നിർദ്ദേശം നൽകിയിട്ടുണ്ട്
