ന്യൂഡല്‍ഹി : വടക്ക് -കിഴക്കന്‍ സംസ്ഥാനങ്ങള് ഒരു കാലത്ത് വര്ഗീയതയ്ക്കും അക്രമണങ്ങള്ക്കും സ്ഥിരം വേദി ആയിരുന്നുവെന്നും എന്നാല്‍ കഴിഞ്ഞ ആറു വര്ഷങ്ങളായി തീവ്രവാദ സംഘടനകളെല്ലാം ഓരോന്നായി പിന്മാറിയതായും ആഭ്യന്തര മന്ത്രി അമിത് ഷാ.
ഇപ്പോള്‍ ഇവിടെ ആക്രമണങ്ങള്‍ ഇല്ല. കോണ്‍ഗ്രസ് ഈ മേഖല കുറച്ചു നാള്‍ ഭരിച്ചെങ്കിലും അവര്‍ ഒന്നും ചെയ്തിട്ടില്ലെന്ന് അദ്ദേഹം പറഞ്ഞു. ” തീവ്രവാദ സംഘടനകളുമായി അവര്‍ ചര്‍ച്ച നടത്തിയിട്ടില്ല. നിരവധി പേര്‍ അക്രമണങ്ങളില്‍ മരിച്ചു. വികസനം ഇല്ലായിരുന്നു. വികസനത്തിന്റെ പേരില്‍ കോണ്‍ഗ്രസ് ഭൂമി പൂജ നടത്തി. എന്നാല്‍ ഞങ്ങള്‍ ഈ പദ്ധതികള്‍ ഉദ്ഘാടനം ചെയ്തു.” – അമിത് ഷാ പറഞ്ഞു.വടക്ക്-കിഴക്കന്‍ സംസ്ഥാനങ്ങളില്‍ സമാധാന അന്തരീക്ഷം നില നിര്‍ത്താന്‍ പ്രധാനമന്ത്രി നരേന്ദ്ര മോദി നിരവധി കാര്യങ്ങളാണ് ചെയ്തത്. എട്ട് തീവ്രവാദ സംഘടനകളിലെ 644 കേഡറുകള്‍ 2500 ആയുധങ്ങളുമായി കീഴടങ്ങി. അവര്‍ ഇപ്പോള്‍ മുഖ്യധാരയില്‍ ചേര്‍ന്നുവെന്നും അമിത് ഷാ കൂട്ടിച്ചേര്‍ത്തു.
