ന്യൂഡൽഹി: ശബരിമല കേസിലെ പുനഃപരിശോധനാഹര്‍ജികള്‍ കേൾക്കുന്നതിന് ഒൻപതംഗ വിശാല ബെഞ്ച് രൂപീകരിച്ചു. ചീഫ് ജസ്റ്റീസ് എസ്.എ ബോബ്ഡെ അധ്യക്ഷനായ ബെഞ്ചാണ് പരിഗണിക്കുന്നത്. ജസ്റ്റീസുമാരായ ആർ. ബാനുമതി, അശോക് ഭൂഷൺ, എം.ശാന്തനഗൗഡർ, എസ്.അബ്ദുൾ നസീർ, ആർ. സുഭാഷ് റെഡ്ഡി, ബി.ആർ ഗവായ്, സൂര്യകാന്ത് എന്നിവരാണ് ബെഞ്ചിലെ മറ്റ് അംഗങ്ങൾ.
ശബരിമല കേസിൽ വിധിയെഴുതിയ ആരും വിശാല ബെഞ്ചിൽ ഉൾപ്പെട്ടിട്ടില്ല. അഞ്ചംഗ ബെഞ്ചിലെ അംഗങ്ങളായ ഡി.വൈ.ചന്ദ്രചൂഡ്, ഇന്ദു മല്‍ഹോത്ര, ആര്‍.എഫ്.നരിമാൻ, ഖാന്‍ വില്‍ക്കര്‍ എന്നിവർ വിശാല ബെഞ്ചിൽ ഉൾപ്പെടേണ്ടതായിരുന്നു. എന്നാൽ ചീഫ് ജസ്റ്റീസ് ഇവരെ പാടെ ഒഴിവാക്കിയാണ് ഒൻപതംഗ ബെഞ്ച് രൂപീകരിച്ചത്. വിശാല ബെഞ്ചിന് വിടുന്നതിനെ ജസ്റ്റീസ് ആർ.എഫ് നരിമാനും ജസ്റ്റീസ് ഡി.വൈ ചന്ദ്രചൂഡും എതിർത്തിരുന്നു.
പുനഃപരിശോധനാഹര്‍ജികളിൽ ഈ മാസം 13 മുതലാണ് വാദം കേൾക്കുക. 60 ഹർജികളാണുള്ളതെന്ന് കഴിഞ്ഞ ദിവസം പുറത്തുവിട്ട നോട്ടിസിൽ പറയുന്നു. മതപരമായ വിഷയങ്ങൾക്കു രൂപീകരിച്ചേക്കാവുന്ന ഏഴംഗ ബെഞ്ചിന് ശബരിമല വിഷയം പരിഗണിക്കാമെന്ന് 2019 നവംബർ 14ന് സുപ്രീംകോടതിയുടെ അഞ്ചംഗ ബെഞ്ച് നിർദേശിച്ചിരുന്നു. എന്നാൽ, ശബരിമല കേസുകൾ ഒൻപതംഗ ബെഞ്ച് പരിഗണിക്കാനാണ് ഇപ്പോഴത്തെ തീരുമാ
