കോട്ടയം: നോവലിസ്റ്റ് സുധാകർ മംഗളോദയം (സുധാകർ പി. നായർ, 72) അന്തരിച്ചു. കോട്ടയത്തെ വസതിയിൽ വാർദ്ധക്യസഹജമായ അസുഖങ്ങളെത്തുടർന്നായിരുന്നു അന്ത്യം. പിറവിത്തിനടുത്ത് വെള്ളൂരാണ് സ്വദേശം.സംസ്ക്കാരം ശനിയാഴ്ച രാവിലെ 10ന് വീട്ടുവളപ്പിൽ നടക്കും.ഭാര്യ പരേതയായ ഉഷ, ഏകമകൾ ശ്രീവിദ്യ മരുമകൻശ്രീജിത്ത്.
മനോരമ, മംഗളം എന്നീ ആഴ്ചപ്പതിപ്പുകളിലെ നോവലുകളിലൂടെ ശ്രദ്ധേയനായിരുന്നു സുധാകർ മംഗളോദയം. നാലു സിനിമകൾക്കും നിരവധി സീരിയലുകൾക്കും കഥ എഴുതിയിട്ടുണ്ട്. പി. പത്മരാജന്‍റെ കരിയിലക്കാറ്റുപോലെ എന്ന ചലച്ചിത്രത്തിന്‍റെ കഥാരചയിതാവാണ്.
വസന്തസേന എന്ന ചലച്ചിത്രത്തിന്‍റെ കഥാരചന നടത്തി. നന്ദിനി ഓപ്പോൾ എന്ന സിനിമയ്ക്കു സംഭാഷണം രചിച്ചു, ഞാൻ ഏകനാണ് എന്ന ചിത്രത്തിന് തിരക്കഥയും എഴുതിയിട്ടുുണ്ട് പ്രധാന രചനകൾ: ചിറ്റ, ചാരുലത, ഗൃഹപ്രവേശം, നീലക്കടമ്പ്,തുലാഭാരം, കുടുംബം, സുമംഗലി
