തിരുവനന്തപുരം: എസ്.സതീഷിനെ യുവജനക്ഷേമ ബോർഡ് വൈസ് ചെയർമാനായി സർക്കാർ നിയമിച്ചു. നിലവിൽ യുവജനക്ഷേമ ബോർഡ് അംഗമായി പ്രവർത്തിച്ചു വരികയായിരുന്നു. പി.ബിജുവിന്റെ നിര്യാണത്തെ തുടർന്ന് ഒഴിവ് വന്ന സ്ഥാനത്തേക്കാണ് പുതിയ നിയമനം. ഡിവൈഎഫ്ഐ സംസ്ഥാന പ്രസിഡന്റാണ് സതീഷ്.
കോഴിക്കോട് നടന്ന 14-മത് ഡിവൈഎഫ്ഐ സംസ്ഥാന സമ്മേളനത്തിലാണ് സതീഷ് പ്രസിഡന്റായി തെരഞ്ഞെടുക്കപ്പെട്ടത്. കോതമംഗലം കുത്തുകുഴി സ്വദേശിയായ സതീഷ് സിപിഎം എറണാകുളം ജില്ലാ കമ്മിറ്റി അംഗമാണ്. ഡിവൈഎഫ്ഐ എറണാകുളം ജില്ലാ സെക്രട്ടറി, സംസ്ഥാന ജോയിന്റ് സെക്രട്ടറി എന്നീ പദവികളും വഹിച്ചിട്ടുണ്ട്.