തിരുവനന്തപുരം: നിരോധിത സംഘടനയായ പോപ്പുലർ ഫ്രണ്ട് കേന്ദ്രങ്ങളിൽ ദേശീയ അന്വേഷണ ഏജൻസി (എൻ ഐ എ) നടത്തിയ റെയ്ഡിൽ അഞ്ച് പേർ കസ്റ്റഡിയിൽ.
എറണാകുളം എടവനക്കാട് സ്വദേശി മുബാറക്ക്, തിരുവനന്തപുരം വിതുരയിലെ നേതാവിന്റെ വസതിയിൽ നടത്തിയ റെയ്ഡിൽ പോപ്പുലർ ഫ്രണ്ട് നേതാവ് സുൽഫി, സഹോദരൻ സുധീർ, ജോലിക്കാരനായ കരമന സ്വദേശി സലീം എന്നിവരെയാണ് എൻഐഎ സംഘം കസ്റ്റഡിയിൽ എടുത്തത്.
പോപ്പുലര് ഫ്രണ്ട് സംസ്ഥാന സമിതി അംഗങ്ങള്, മേഖല ഭാരവാഹികള്, കായിക, ആയുധ പരിശീലകര്, ആയുധ പരിശീലനം ലഭിച്ചവർ എന്നിവരുള്പ്പെടെ പോപ്പുലര് ഫ്രണ്ട് പ്രവര്ത്തകരുടെ വീടുകൾ അടക്കം 56 കേന്ദ്രങ്ങളിലാണ് റെയ്ഡ് നടന്നത്. തീവ്രവാദ പ്രവർത്തനത്തിന്റെ പേരില് കൊച്ചിയില് റജിസ്റ്റര്ചെയ്തകേസുമായിബന്ധപ്പെട്ടായിരുന്നു പരിശോധന.പരിശോധനയില് വിവിധ സ്ഥലങ്ങളിൽ നിന്ന് ആയുധങ്ങളും മൊബൈല് ഫോണുകളും രേഖകളും പിടിച്ചെടുത്തതായി റിപ്പോർട്ടുകളുണ്ട്.
ഡല്ഹിയില്നിന്നെത്തിയഉന്നതഉദ്യോഗസ്ഥരുടെ നേതൃത്വത്തിലായിരുന്നു പരിശോധന. എൻഐഎ ഡിവൈഎസ്പി: ആർ.കെ.പാണ്ടെ റെയ്ഡിന് നേതൃത്വം നൽകി. നിരോധിച്ചതിന് ശേഷവും പോപ്പുലർ ഫ്രണ്ട് രഹസ്യമായി പ്രവര്ത്തനം തുടരുന്നുവെന്ന റിപ്പോർട്ടുകളുടെ അടിസ്ഥാനത്തിൽ കൂടിയായിരുന്നു റെയ്ഡ്.