പേട്ട ഗവ. സ്കൂൾ, സെന്‍റ് ജോസഫ്സ് ഹൈസ്കൂൾ എന്നിവിടങ്ങളിലെ സ്കൂൾ വിദ്യാഭ്യാസത്തിനുശേഷം, ഇന്‍റർമീഡിയറ്റ് കോളജിൽനിന്നാണ് എം.എസ്. മണി പ്രീ- യൂണിവേഴ്സിറ്റി പാസായത്. തുടർന്നു യൂണിവേഴ്സിറ്റി കോളജിൽനിന്ന് രസതന്ത്രത്തിൽ ബിരുദം നേടി. വിദ്യാഭ്യാസകാലത്തുതന്നെ കേരളകൗമുദിയുടെ ലേഖകനായി പ്രവർത്തിച്ച എം.എസ്. മണി ബിരുദ പഠനശേഷം ഡൽഹി ലേഖകനായി ചുമതലയേറ്റു. നാലുവർഷം പാർലമെന്‍റ് ലേഖകനായിരുന്നു.
തിരുവനന്തപുരം ഗവ. മെഡിക്കൽ കോളേജിലെ ഫാർമക്കോളജി അസോസിയേറ്റ് പ്രൊഫസറായിരുന്ന ഡോ. കസ്തൂരിഭായിയാണ് ഭാര്യ. കേരളകൗമുദി അസിസ്റ്റന്‍റ് എഡിറ്ററായിരുന്ന വത്സാമണി മകളും കലാകൗമുദി മാനേജിംഗ് ഡയറക്ടറും എഡിറ്ററുമായ സുകുമാരൻ മണി മകനുമാണ്. കേരളകൗമുദി മുൻ റെസിഡന്‍റ് എഡിറ്റർ എസ്. ഭാസുരചന്ദ്രനാണ് മരുമകൻ.
പരേതരായ എം.എസ്. മധുസൂദനൻ, എം.എസ്. ശ്രീനിവാസൻ, എം.എസ്. രവി എന്നിവരാണു സഹോദരങ്ങൾ. കേരളകൗമുദി ചീഫ് എഡിറ്റർ ദീപു രവി സഹോദരപുത്രനാണ്.
