കൊച്ചി: എറണാകുളം ഡിസിസി ജനറല് സെക്രട്ടറി എം.ബി. മുരളീധരന് സിപിഎമ്മില് ചേര്ന്നു. സിപിഎം സംസ്ഥാന സെക്രട്ടേറിയറ്റ് അംഗം എം. സ്വരാജ് ഉൾപ്പടെയുള്ള സിപിഎം നേതാക്കൾക്കൊപ്പം നടത്തിയ വാര്ത്താസമ്മേളനത്തിലാണ് അദ്ദേഹം തീരുമാനം പ്രഖ്യാപിച്ചത്.
തൃക്കാക്കര ഉപതെരഞ്ഞെടുപ്പിലെ ഇടത് സ്ഥാനാര്ഥി ജോ ജോസഫ് തന്നെ നേരില് കണ്ട് പിന്തുണ തേടിയെന്നും സിപിഎമ്മിനൊപ്പം ചേർന്ന് പ്രവർത്തിക്കുമെന്നും അദ്ദേഹം അറിയിച്ചു. അസ്വസ്ഥരായ ആളുകള് ഇനിയും കോണ്ഗ്രസ് പാര്ട്ടിയിലുണ്ടെന്നും അദ്ദേഹം വ്യക്തമാക്കി.
തൃക്കാക്കരയിൽ ഉമാ തോമസിനെയല്ല യുഡിഎഫ് സ്ഥാനാർഥിയാക്കേണ്ടിയിരുന്നത്. പാർട്ടിയിലെ സജീവ പ്രവർത്തകർക്കാണ് സ്ഥാനാർഥിത്വം നൽകേണ്ടിയിരുന്നതെന്നും എം.ബി. മുരളീധരൻ പറഞ്ഞു.