ബൈക്ക് യാത്രികരായ പൊന്തൻപുഴ ചാരുവേലി സ്വദേശിയും ചേനപ്പാടിയിൽ താമസക്കാരനുമായ പാക്കാനം വീട്ടിൽ ശ്യാം സന്തോഷ്‌ (29), ഒപ്പമുണ്ടായിരുന്ന സുഹൃത്ത് രാഹുൽ സുരേന്ദ്രൻ എന്നിവരാണ് മരിച്ചത്.
ബുധനാഴ്ച രാത്രി 8:45 ഓടെ എരുമേലി ഫോറസ്റ്റ് റേഞ്ച് ഓഫിസിന് സമീപം കള്ള് ഷാപ്പിന് മുമ്പിൽ വച്ചാണ് അപകടമുണ്ടായത്. യുവാക്കൾ സഞ്ചരിച്ച ബൈക്ക് നിലയ്ക്കൽ ഭദ്രാസനം മെത്രാപ്പൊലീത്ത മാർ ജോഷ്വാ സഞ്ചരിച്ച ഇന്നോവ ക്രിസ്റ്റ കാറിൽ ഇടിക്കുകയായിരുന്നു.
സംഭവ സ്ഥലത്ത് തന്നെ രാഹുൽ മരിച്ചു. അപകടത്തിൽ ബൈക്ക് പൂർണമായും തകർന്നു. കാറിൽ സഞ്ചരിച്ചവർക്ക് കാര്യമായ പരിക്കില്ല. പീരുമേട്ടിൽ പരിപാടി കഴിഞ്ഞ് മടങ്ങുകയായിരുന്നു മെത്രാപ്പൊലീത്ത.
മരിച്ച യുവാക്കൾ കൽപ്പണിക്കാരാണ്. അപകടം അറിഞ്ഞ് എത്തിയ നാട്ടുകാർ ആണ് എരുമേലി സർക്കാർ ആശുപത്രിയിലെ ആംബുലൻസ് വിളിച്ചു വരുത്തി യുവാക്കളെ ആശുപത്രിയിൽ എത്തിച്ചത്.
