മുംബെ: ഏക സിവിൽകോഡ് നടപ്പാക്കണമെന്ന് ശിവസേനമുംബൈ: രാജ്യത്ത് ഏക സിവിൽകോഡ് നടപ്പാക്കണമെന്ന് ശിവസേന നേതാവ് സഞ്ജയ് റാവത്ത്. ഇതുമായി ബന്ധപ്പെട്ട് കേന്ദ്രം എന്തെങ്കിലും നിർദ്ദേശം കൊണ്ടുവന്നാൽ പാർട്ടി അതിൽ തീരുമാനമെടുക്കുമെന്നും അദ്ദേഹം പറഞ്ഞു.
ഏക സിവിൽകോഡ് വിഷയത്തിൽ ഞങ്ങൾ മുമ്പും നിലപാട് വ്യക്തമാക്കിയിട്ടുണ്ട്. അത് രാജ്യത്ത് നടപ്പാക്കണം. അതിന്മേൽ കേന്ദ്രം എടുക്കുന്ന തീരുമാനത്തിൽ പാർട്ടി നിലപാട് അറിയിക്കുമെന്ന് റാവത്ത് പറഞ്ഞു.
അതേസമയം, വിശ്വഹിന്ദു പരിഷത്ത് ഇൻറർനാഷണൽ ജോയിന്‍റ് ജനറൽ സെക്രട്ടറി സുരേന്ദ്ര ജെയിൻ ആർഎസ്എസ് ജോയിന്‍റ് ജനറൽ സെക്രട്ടറി ദത്താത്രേയ ഹൊസബാലെ എന്നിവർ ഏകീകൃത സിവിൽ കോഡ് ചർച്ച ചെയ്യണമെന്ന് ആവശ്യപ്പെട്ട് രംഗത്തെത്തിയിട്ടുണ്ട്.
ഏക സിവിൽ കോഡിനെക്കുറിച്ച് പരസ്യമായി ചർച്ച നടത്തണമെന്ന് ദത്താത്രേയ ഹൊസബാലെ ഞായറാഴ്ച പറഞ്ഞിരുന്നു. എന്നാൽ, ബിൽ കൊണ്ടുവരാൻ സമയമായോ ഇല്ലെയോ എന്ന് തീരുമാനിക്കേണ്ടത് കേന്ദ്രമാണെന്നും റാവത്ത് വ്യക്തമാക്കി
